Lokale
Sadriu planifikon zhvillimin e bujqësisë në Luginë (video)
Kandidati për deputet në parlamentin e Serbisë, Kujtim Sadriu në emër të listës së Partisë Liberale Demokratike të Çedomirë Jovanoviqit në një emision në Radio Televizionin e Bujanocit ka deklaruar se ai së bashku me ekipin e tij ka bërë aktivitetin e tij propagandues në disa fshatra të komunës së Preshevës dhe Bujanocit.
Sadriu thotë së me ardhjen e PLD në pushtetin qendrorë do të vijnë ditë më të mira për problematikën e shqiptarëve këtu dhe se partia e tij ka koncept të qartë demokratik.
“Ne kemi realizuar disa projekte në Preshevë që kanë qenë në interes të qytetarëve, mirëpo ne jemi të vetëdijshëm se po të kishim edhe 50 deputet shqiptare nuk do të mundë të bëjmë diçka pa ndihmën e forcave politike qendrore”, deklaroi Sadriu.
Sipas tij pavarësisht a do të jetë apo nuk dot jetë pjesë e parlamentit PLD me këshillin në Preshevë do të vazhdojë punën kryesisht në fushën e bujqësisë që u janë premtuar mjete të mëdha për rimëkëmbjen e bujqësisë.
Sadriu është i bindur se më ndihmën e partisë së tij do të japë një kontribut të jashtëzakonshëm për prodhimet bujqësore dhe pasimin e tyre sepse në këtë formë do të ndihmohet jeta në fshatrat e malësisë së Bujanocit dhe Preshevës
“Ato familje që kanë mbi 5 fëmijë do t’i ndahen nga 10 deri 15 mijë euro për investimin e tyre në prodhimet bujqësore dhe në këtë mënyrë strategjia jonë është që për një kohë të caktuar ta rrisim numrin e popullatës në këtë rajon”, është shprehur Kujtim Sadriu në emisionin e realizuar nga TVB.
Ai fton elektoratin që të marrë pjesë në zgjedhjet e 16 marsit në mënyrë masovike dhe t’ia japin mbështetjen atij sepse vota sipas tije vota e tyre do të jetë në interes të shqiptarëve .
Program i paguar politik - Kujtim Sadriu - 11... by f100004052546255
Mund ti tregoni shoqërisë për këtë artikull!
