Bajrami: Në parlamentin e Serbisë do të jem zëri i çdo preshevari (video-spoti)

Në zgjedhjet parlamentare më 21 qershor 2020 shqiptarët e Luginës së Preshevës marrin pjesë me listën e certifikuar me numër 16 “Alternativa Demokratike Shqiptare-Lugina e Bashkuar”.

Kësaj listë do të prij kryetari i PVD-së, Shaip Kamberi ndërsa kandidati I mundshëm për deputet numër 2 është nga radhët e “Alternativës për Ndryshim”, Argjend Bajrami, shkruan Titulli.com.

Partia për Veprim Demokratik krahas asaj për zgjedhje lokale në Bujanoc ka zhvilluar fushatë edhe për zgjedhjet parlamentare duke promovuar listën e përbashkët në çdo tubim zgjedhorë.

Ndërsa Alternativa për Ndryshime, partia e dytë më e madhe në Luginë të Preshevës lidhur me zgjedhjet parlamentare ka publikuar një videoklip përmes së cilit kandidati I tyre Argjent Bajrami bën ftesë për pjesëmarrje në këtë proces zgjedhorë.

Ai në spotin e  tij thotë se subjekti i tiji i ka dhënë besimin duke u shprehur se ai është munduar të kontribuoj vendit, transmeton Titulli.com.

“Në parlamentin e Serbisë do të jemë zëri i çdo preshevari e shqiptari duke kërkuar të drejtat tona në mënyrë institucionale pa përjashtuar faktorin politik ndërkombëtarë”, është shprehur mes tjerash Bajrami në spotin e tij zgjedhorë.

Ai gjithashtu kë barë ftesë shqiptarëve që të dalin të votojnë për zgjedhjet parlamentare më 21 qershor për listën numër 16 “Alternativa Demokratike Shqiptare-Lugina e Bashkuar”./Titulli.com/