Shënohet dita vullnetarizmit në Bujanoc (foto&video)
Në Bujanoc është shënuar dita ndërkombëtare e vullnetarëve në qendër të qytetit duke shërbyer qytetarët me çaj të nxehët dhe anketuar të rinjtë për aktivitetet e tyre vullnetare.Organizata “Iniciativa Qytetare” zyra në Bujanoc ka aktivizuar pjesëmarrësit e programit “Youth Build-IT” dhe ka shpërndarë çaj e dhurata për të rinjtë.
Nermine Aliji Ademi asistente në programin e YouthBuild tha se të rinjtë e komunës sonë merren shumë pak me punë vullnetare andaj ftoj të bashkëngjiten të rinjtë në aktivitetet tona.
“Ne do të shpërndajmë edhe disa dhurata simbolike për të rinjtë që kaloj këtu dhe do të plotësojmë disa anketa lidhur me punën e vullnetarizmit”, theksoi Ademi.
Dita Ndërkombëtare e Vullnetarizmit është ditë e caktuar nga Asambleja e Përgjithshme e OKB-së më vitin 1985 dhe u dedikohet të gjithë atyre vullnetarëve të shumtë anembanë botës, të cilët sakrifikojnë interesat e tyre personale, në interes të shoqërisë dhe komunitetit./Titulli.com/
