Lokale
Kapen 6 kilogram heroinë në kufirin e Preshevës
Policia në kalimin kufitar në Preshevë tek shtetasit hungarezë ka gjetur 6,14 kilogram heroinë.
Në kalimin kufitar në Preshevë, në drejtim të Republikës së Maqedonisë, gjatë kontrollit të veturës me targa të Hungarisë, në të cilën ishin të dyshuarit K.J. si dhe M.R.F., policia në zbrasësirat e makinës ka gjetur 6,14 kilogramë të materies pluhur, për të cilën dyshohet se është narkotikë, heroinë.
Pjesëtarët e Policisë së qendrës Regjionale kufitare të MPB-së së Republikës së Serbisë, pas konsultimeve me prokurorin publike në Vranjë kanë prurë vendim për mbajtje deri në 48 orë të dy shtetasve hungarezë K.J. (1956) dhe M.R.F (1985), për shkak të dyshimit se kanë kryer vepër penale, prodhim dhe shitje të narkotikëve.
Hetimi është kryer nga Departamenti i Policisë në Vranjë. Pakot me materien e dyshuar do të dërgohen për ekspertizë në qendrën e mjekësisë ligjore në Nish./Titulli.com/
Mund ti tregoni shoqërisë për këtë artikull!
