Të rinjtë e (pa)kulturuar, në shtëpi të kulturës! (foto)

Qëndrimi i të rinjve në Shtëpi të Kulturës në Bujanoc, kësaj radhe është bërë për gazetë, për kulturën e pastërtisë që ata treguan.

Papastërtia e lënë pas në ulëset e sallës së madhe të këtij institucioni të kulturës ka nxitë edhe reagimin e drejtorit Arsim Asllani. 

“Pas një organizimi në Shtëpi të Kulturës, kjo është gjendja që lanë nxënësit e shkollës së mesme, ku fotografit flasin vetë”, është shprehur drejtori i këtij institucioni, Asllani, i cili në adresë të portalit informativ Titulli.com ka dërguar fotografitë e mëposhtme. 

Fara kungulli e luledielli, vezë të thyera, çipsi, pako të zbrazëta të ëmbëlsirave, këto ishin mbeturinat e lënë pas nga të rinjtë, që sipas drejtorit, pjesa dërmuese ishin nxënës të shkollës së mesme “Sezai Surroi” në Bujanoc. 

Në mbrëmjen e së premtes, në këtë institucion kulturorë, u zhvilluan “Lojërat pa kufi” që kanë karakter garues, të cilat kanë nxitur interesim dhe pjesëmarrje të lartë të të rinjve. /Titulli.com/