Trupi Koordinues me konkurs për dy asistentë

Shërbimi i Trupit Koordinues i fton të interesuarit që të paraqiten për vendin e asistentit lokal në projektin “Zbatimi i rekomandimeve për avancimin e procesit mësimor të gjuhës serbe si gjuhë joamtare në Preshevë, Bujanoc dhe Medvegjë”, i financuarë nga Ambasada Britanike në Beograd, Zyra e Komisares për Pakica Nacionale dhe programi i PROGRES-it Europian.

Për realizimin e projektit janë të nevojshëm dy asistentë, një në Bujanoc dhe një në Preshevë.

“Asistentët do të jenë në komunikim të vazhdueshëm me koordinatoren e projektit dhe do të punojnë nën udhëheqjen e saj. Asistentët e angazhuar përfshihen në përpunimin e dokumenteve të nevojshme për realizimin e projektit, mbajtjen e kontakteve me partnerët lokal dhe pjesëmarrësve në projekt, sigurimin e mbështetjes logjistike, përpilimin e raportit mujor të punës dhe aktiviteteve tjera sipas nevojës. Asistenti punët do ti kryej në periudhën kohore nga janari deri në qershor të vitit 2015”, thuhet në njoftimin e Trupit Koordinues.

Kushtet të cilat kandidati duhet plotësuar janë:

- Njohja e shkëlqyeshme e gjuhës serbe (leximi, shkrimi dhe komunikimi);

- Njohja e shkëlqyeshme e gjuhës shqipe (leximi, shkrimi dhe komunikimi);

- Përfundimi i fakultetit në sferat e shkencave shoqërore, juridik, ekonomi;

-  Aftësi të mira komunikative dhe organizative

Dokumentat e domosdoshme:

- Plotësimi i formularit të biografisë të punës

- Letër motivuese 

Dokumentet të dorëzohen për mes postës elektronike në adresën: office@kt.gov.rs

me mbishkrimin: PARAQITJA NË KONKURS PËR ASISTEN LOKAL

Koha për  paraqitjen e aplikacioneve është deri më 05.01.2015 deri në orën 15:30. 

Biseda me kandidatët do të mbahet më 08.01.2015 në hapësirat e Trupit Koordinues në Bujanoc (Sheshi Karagjorgje Petroviq bb- ndërtesa e komunës Bujanoc). Kandidatët të cilët i  dorëzojnë dokumentet në rregull do të informohen saktë rreth kohës së mbajtjes së bisedës për mes postës elektronike e cila gjendet në formularin e biografisë të punës.