Lokale
“Të nderuar patriotë…” (video)
Atë që nuk mundi ta bëjë në qytetin e vet e bëri në sheshin e Bujanocit. Kryetari i Komunës së Preshevës Ragmi Mustafa me fjalimin e tij “ndezi” masën e tubuar sot në protestën e mbajtur në Bujanoc.
Ky është fjalimi që Mustafa e shfrytëzoi për tu shfryer ndaj Qeverisë së Serbisë për heqjen e dhunshme të lapidarit në Preshevë.
E filloi me patriotizëm dhe e përfundoi fjalimin me bashkim kombëtar, fjalë tashmë shumë të njohura për qytetarët e Luginës.
Mustafa ndaj Qeverisë së Serbisë dërgoi akuzat më të rënda që ka bërë ndonjëherë. Ai i mllefosur, qeverinë e Daçiqit e quajti “regjim totalitar të Serbisë i cili diskriminon skajshmërisht të drejtat kombëtare të shqiptarëve në Luginë të Preshevës”.
Kryetari i Preshevës foli edhe për heqjen e lapidarit të UÇPMB-së, ku tha se deri te ky aksion i xhandarmërisë erdhi pasi që Beogradi tanimë i kishte burgosur pothuajse të gjithë ish pjesëtarët e UÇPMB-së.
Të gjithë këto fjalë Mustafa nuk arriti ti thotë në Preshevë, në protestën e 21 janarit, një ditë pas heqjes së lapidarit. Atë ditë ai dhe liderët tjerë ikën nga protesta nën fishkëllimat e protestuesve preshevar.
Patriotizmi me fjalime nuk u shit në Preshevë. Disa liderë nuk mbajtën premtimin siç thanë atë kohë se do të mbronin lapidarin me çdo kusht, madje edhe me trupat e tyre.
Edhe kryetari Mustafa “hëngri” fjalët, deri më tani nuk ka dhënë dorëheqjen e parevokueshme që e kishte premtuar publikisht në rast të heqjes së lapidarit të UÇPMB-së nga sheshi i Preshevës./Titulli.com/
http://youtu.be/RDHf0TcFlPMcopy(/home/titulli/public_html/images/image/t/uploads/2013/02/Ragmi-mustafa.jpg): failed to open stream: No such file or directory
Mund ti tregoni shoqërisë për këtë artikull!
