Sinani thotë se BE-ja nuk reagon ndaj spastrimit të shqiptarëve në Luginë
Këshilltarja e kryeministrit Albin Kurti për Luginën e Preshevës, Ardita Sinani është shprehur se Bashkimi Evropian nuk ka qasje të njëjtë kur bëhet fjalë për serbët në Kosovë dhe shqiptarët në Serbi, pra kritikon BE-në se përdor standarde të dyfishta.
Ajo ka thënë se BE-ja lehtësisht reagon për çështje të brendshme në Kosovë, kurse nuk reagon fare për pasivizimin e adresave të shqiptarëve në Luginë,transmeton Titulli.om.
“Kur bëhet fjalë për Kosovën, BE-ja lehtësisht bën thirrje që çështjet e brendshme si mbyllja e strukturave paralele të Serbisë në Kosovë dhe zbatimi i Kushtetutës së Kosovës për përdorimin e valutës së EURO-s të jenë pjesë e diskutimeve e temave të dialogut në Bruksel.
Por kur bëhet fjalë për Serbinë, duket se vlejnë standarde tjera. Për shembull, pse asnjëherë nuk e dëgjuam të njëjtën thirrje nga BE-ja për çështjen e pasivizimit të adresave dhe spastrimit etnik administrativ të shqiptarëve nga Serbia në Luginë?”, thuhet në reagimin e saj.
copy(/home/titulli/public_html/images/image/inani-ks.jpg): failed to open stream: No such file or directory
