Salihu: Kemi afat edhe 2 muaj për mbajtjen e kuvendit në Preshevë
Shumica parlamentare në Preshevë e formuar dhjetë muaj më parë në zgjedhjet e jashtëzakonshme të 24 dhjetorit të 2017 në krye me Shqipërim Arifin po përjeton një krizë institucionale.
Fetanete Memedi, këshilltare e kuvendit komunal të Preshevës nga lista e APN-së, përmes një shkrese drejtuar sekretarisë së kuvendit, ka konfirmuar dorëheqjen e saj nga grupi i këshilltarëve të Alternativës për Ndryshime, duke u zotuar se mandatin e saj do ta ushtroj si këshilltare e pavarur sepse nuk janë përmbushur premtimet paraelektorale për përmirësimin e jetës së qytetarëve por ka dështuar në vazhdimësi.
Largimin e këshilltares Mehmedi, e ka konfirmuar edhe kryetari i kuvendit komunal Sami Salihu, i cili është shprehur se ky largim e ka sjell kuvendin në pat pozicion, ndërkohë që rrezikohet funksionimi normal i pushtetit lokal.
“Kemi afat edhe muaj për të plotësuar afatet ligjore për mbajtjen e kuvendit dhe presim se cilat do të jenë zhvillimet e mëtutjeshme”, tha Salihu, transmetin Titulli.com.
Krizën institucionale e ka quajtur të pritshme edhe kryetari i Partisë Demokratike Shqiptare, Ragmi Mustafa.
Kuvendi komunal i komunës së Preshevës nuk përbënë shumicën qeverisëse ndërsa koalicioni Alternativa për Ndryshim, Lëvizja për Reforma-PDSH dhe dy këshilltarët serb kanë 19 këshilltarë nga 38 sa ka gjithsejtë opozita së bashku me këshilltaren e pavarur.
Sipas ligjit për pushtet lokal nëse brenda 3 muajve kuvendi i komunës nuk mbanë seancë atëherë shpërbëhet kuvendi dhe më pas emërohet një organ i përkohshëm deri në datën e zgjedhjeve të jashtëzakonshme që e përcakton kryetari i kuvendit të Serbisë./Titulli.com/
