Rexhep Hoti zëvendësministër nga Kosova qëndron në Bujanoc, bashkëpunimi kulturorë do të forcohet
Zëvendës ministri nga Ministria e Kulturës, Rinisë dhe Sportit të Kosovës, Rexhep Hoti më bashkëpunëtorë ka qëndruar në komunën e Bujanocit dhe në takimin me kryetarin Shaip Kamberi kanë diskutuar për bashkëpunimet e ardhshme.Rexhep Hoti shpalosi projektin nacional të Kosovës në kuadër të ministrisë përkatëse, shkruan Titulli.com.
“Kemi ardhur në Bujanoc për të shpalosur një projekt të garave në kulturë, sport e arsim që përfshin brezin parashkollor. Ka ardhur koha që bashkëpunimi i jonë të filloj në drejtim të sportit, diturisë dhe në kërkimin e kreativiteti kulturorë”, u shpreh Hoti para mediave.
Kryetari i komunës së Bujanocit, Shaip Kamberi falënderoi Rexhep Hotin për vizitën e tij dhe mirëpriti iniciativat e re të bashkëpunimit.
“Komuna e Bujanocit është përzgjedhur si komuna e parë të promovimit të projektit nacional të Kosovës. Ne jemi të gatshëm të përkrahim çdo iniciativë për bashkëpunim me institucionet e Kosovës në fushën e kulturës dhe çështjet tjera në interes të përgjithshëm”, theksoi Kamberi.
Vizita e delegacionit nga Kosova vazhdoi edhe në institucionet tjera lokale dhe Këshillin Kombëtar Shqiptarë./Titulli.com/
