Pritet në Bujanoc shefi i Zyrës së Këshillit të Evropës

Shefi i Zyrës së Këshillit të Evropës, Tobias Flessenkemper është pritur në zyrën e kryetarit të komunës së Bujanocit, Shaip Kamberi dhe biseduan për pozitën e shqiptarëve në Luginë të Preshevës.

“Mos integrimi i shqiptarëve në institucione publike, mosrealizimi i të drejtave të garantuara me ligj dhe konventa ndërkombëtare dhe ngecja në avancimin e pozitës së shqiptarëve në Luginë të Preshevës po vazhdojnë të jenë preokupime të përditshme dhe betejë politike e institucionale e përfaqësuesve shqiptarë”, ka shkruar Kamberi në facebook.

Sipas tij  përkrahja ndërkombëtare dhe monitorimi i pozitës së pakicave gjatë rrugëtimit të integrimit të vendit në BE i domosdoshëm dhe i patjetërsueshëm, shkruan Titulli.com. 

“Prezenca dhe përkrahja ndërkombëtare garanci e avancimit dhe realizimit të plotë të të drejtave tona kolektive”, është shprehur Kamberi.

Delegacioni nga Këshilli i Evropës ka zhvilluar takime edhe me përfaqësues tjerë institucional në Luginë./Titulli.com/