Partia Republikane reagon ndaj televizionit publik në Bujanoc

“Ky medium, i cili thirret se është nga më të rrallët në rajon, që emeton program në tri gjuhë: shqip, serbisht dhe në gjuhën rome, duke i përmbushur kërkesat e qytetarëve të informohen në gjuhën amtare, nuk po zbatohet në praktikë”, kështu nis reagimi i PR-së. 

Ky subjekt i ri politik, dega në Bujanoc, më 6 mars 2015, e ka ftuar me ftesë drejtorinë e RTV “Bujanoci”, që të marrë pjesë në tribunën politike: “Roli i pakicave kombëtare në Serbi”. 

“Mosardhja e RTV “Bujanoci”, për ta përcjellë këtë Tribunë, në të cilën merrnin pjesë përfaqësues të shumë komuniteteve në Serbi, tregon se ky medium, është i njëanshëm dhe nuk i përmbahet kodeksit gazetaresk”, thuhet matej në reagimin e Partisë Republikane. 

“RTV ‘Bujanoci’, financohet nga buxheti i Komunës së Bujanocit, i cili mbushet prej taksapaguesve, prandaj mosmarrja pjesë e tij, në këto aktivitete tregon nivelin e papërgjegjësive në të cilin ka rënë ky servis publik”, thuhet në fund të reagimit të nënshkruar nga kryetari i PR-së nw Bujanoc Avdil Ramadani. 

Reagimi në fjalë përveç që i është drejtuar drejtorit të këtij mediumi publik Hajredin Ademit, i njëjti i është përcjellur kryetarit të Komunës Nagip Arifit, të Kuvendit Jonuz Musliu si dhe zyrës së OSBE-së në Bujanoc. /Titulli.com/