Mustafi: S’ka arsye që shqiptarët e Luginës të kenë më pak të drejta se serbët në veri të Kosovës

Kryetar i Këshillit Kombëtar në Luginë, Ragmi Mustafi ka reaguar ndaj deklaratës së presidentit serb, Aleksandar Vuçiq duke thënë se nuk ka ndonjë arsye që shqiptarët e Luginës së Preshevës të diskriminohen, kurse serbët në veri të Kosovës gëzojnë të drejtat.

“S’ka arsye që shqiptarët e Luginës të kenë më pak mundësi, të kenë më pak liri, të kenë më pak të drejta se serbët e veriut të Kosovës”, ka shkruar ai.

Mustafi më tej ka rënditur gjashtë pikat e marrëveshjes që përmendi Vuçiqi.

Ai e ka quajtur këtë si një mundësi historike e një paqeje të munguar, të identifikuar botërisht me luftën e me urrejtjen.

Ai më tej shtoi se pakicat nuk mund të jenë burim ndasie, por duhet të jenë ura që lidh fatet drejt së ardhmes.