Ministri i Kosovës, Armend Zemaj pret specializantët mjekësorë të Luginës
Ministri i Shëndetësis së Kosovës ka pritur në takim përfaqësues nga komuna e Preshevës dhe specializantë të rinj nga kjo trevë.
Ky është postimi i tij i plotë në Facebook nga Armend Zemaj:
Ditën e fillova me takim mirënjohës, nga Lugina e Preshevës. Takimi me specializantët nga kjo trevë, ishte rast të bashkëbisedoja për rëndësinë e specializimit të tyre, për ruajtjen e perspektivës dhe mirëqenien shëndetësore në Luginë. Shqiptarëve aty ju kanoset shpërngulja për mungesë të kushteve për jetesë.
Po ashtu, ritheksova se specializantët e Luginës do të përfitojnë nga subvencionet. Falënderoj specializantët e Luginës për vizitën si dhe për mirënjohjen simbolike. Konkursi për specializantët nga Shqipëria, Maqedonia e Veriut dhe Mali e Zi, tashmë është i hapur, praktikë e re e përfshirjes në shkollimin specialistik.
Puna dhe përkushtimi im dhe Qeverisë Hoti në avancimin e sistemit shëndetësor dhe shkollimin e mëtejmë të mjekëve të rinj do të jetë në vazhdimësi.
