Kurti i përgjigjet Ramës për statutin e Asociacionit: Propozoje atë për Luginën e Preshevës

Kreu i Qeverisë, Albin Kurti, tha se kryeministri shqiptar Edi Rama në vend se të propozojë draft-statusin e Asociacionit për serbët, do të duhej që të propozojë atë për Luginën e Preshevës.

“Unë nuk kam dyshim, besoj që propozimi i tij është i mirë. Duke qenë kështu, unë propozoj që Rama këtë draftstatus t’ia prezantoj Vuçiqit më së largu në takimin e Ballkanit të Hapur si propozim për shqiptarët në Luginë. Propozimi im është që duke besuar në atë që beson kryeministri Rama, në vend se të propozoj për serbët, të propozoj për shqiptarët e Luginës”, tha ai, raporton EO-ja.

“Unë i besoj kryeministri Rama se beson që ai model është i mirë për pakicën serbe. Unë vetëm po tregoj ku është adresa dhe cila do të jetë kërkesa për këtë model, adresa është Beogradi dhe kërkesa është për shqiptarët e Luginës. Unë nuk e di për atë draft, nuk e kam lexuar. Jam në kontakt të vazhdueshme për shkak të mbledhjes së Qeverive”, deklaroi Kurti.