Kryetari i LDK-së kërkon mbështetjen për ta votuar Kamberin deputet më 27 Maj
Kryetari i LDK-së, Lumi Abdixhiku ka kërkuar mbështetjen e shqiptarëve në sigurimin e ulëses së vetme përfaqësimi duke votuar më 27 Maj.
Postimi i plotë i tij në Facebook:
NË MBËSHTETJE TË SHAIPIT
Këtë të premte, më 27 maj, Shaip Kamberi dhe "Koalicioni i Shqiptarëve të Luginës" për herë të tretë kërkojnë mbështetjen e shqiptarëve në sigurimin e ulëses së vetme përfaqësimi. Si kandidat i vetëm me gjasë për të shtruar e përfaqësuar zërin e shqiptarëve në Luginë, atij i duhet e gjithë mbështetja e votuesve të Qendrës numër 6 në Tërnoc, për të kthyer prapa padrejtësinë e ripërsëritjes së votimit.
Prandaj ftoj secilin votues shqiptar në këtë qendër të ripërsëritur, që masivisht, këtë të premte, t’u drejtohen kutive të votimit e të mbështesin Shaipin dhe Koalicionin e Shqiptarëve në Luginë.
Shaipi është një patriot i madh. Ai ka qenë një zë i vetmuar por i guximshëm në mbrotjen e të drejtave të shqiptarëve në Luginë. Prandaj, çdo votë për të është votë për zërin shqiptar në Serbi.
