Komuna e Bujanocit merë mbështetje nga Kosova në fushën e mjedisit

Kryetari i komunës së Bujanocit, Shaip Kamberi ka takuar ministrinë mjedisit dhe planifikimit hapësinorë të Kosovës, Fatmir Matoshi.

Ata kanë biseduar për sfidat në fushën e mjedisit në këtë komunë dhe njëherit i është premtuar mbështetje, shkruan Titulli.com.

 “Jam takuar me kryetarin e komunës së Bujanocit, Shaip Kamberi me të cilin kemi diskutuar edhe për krijimin e hapësira të gjelbra në Tërnoc si dhe për pajisje me kontejnerë familjarë dhe kolektiv në komunën e Bujanocit”, ka shkruar Matoshi në facebook.

Ndërsa kryetari i komunës së Bujanocit, Shaip Kamberi falënderoi ministrin Matoshi duke vlerësuar lartë mbështetjen e MMPH-së në fushën e mjedisit.

Kryetari Kamberi njoftoi ministrin Matoshi edhe për sfidat që ka komuniteti shqiptar, papunësinë, arsimin si dhe gjendjen aktuale në të cilën jetojnë të qytetarët e Bujanocit dhe ka marrë mbështetje për propozimet në projekte të ndryshme që shërbejnë në të mirë të ambientit./Titulli.com/