Komuna e Bujanocit do të bëjë studimin e akustikës, 400 mijë dinarë projekti
Shtabi për situata të jashtëzakonshme i kryesuar nga kryetari i komunës dhe njëherit komandant Shaip Kamberi në mbledhjen e gjashtë aprovoj ndarjen e mjeteve për studimin e akusticitetit (zërimi në hapësira të hapura) për komunën e Bujanocit.Ky shtab ndau mjete financiare për studimin e akusticitetit në vlerë prej 400 mijë dinarëve, projekt do të bëhet në bashkëpunim me komunat e rrethit të Pçinjës kurse iniciativën për këtë projekt e ka filluar komuna e Vrajës.
Shaip Kamberi për mediat deklaroj se ky studim ka të bëjë me vendosjen e sirenave akustike në komunën e Bujanocit, shkruan Titulli.com.
“Për territorin e komunës duhet të bëhet një studim për vendosjen e sirenave akustike për alarmin që duhet dhënë qytetarëve në rast të nevojave emergjente, në rast të breshrit, shiut apo katastrofave të ndryshme natyrore”, theksoi Kamberi.
Iniciativa e ndërmarrë nga komuna e Vrajës është që të bashkoj disa komuna të rrethit të Pçinjës të bashkëpunojnë në këtë projekt studimi në mënyrë që të reduktohen kostot e projektit./Titulli.com/
