Lokale
Ju thërret xhamia e Tërnocit (video)
Në xhaminë e cila gjendet në qendër të fshatit Tërnoc të komunës së Bujanocit, kanë filluar punime për zgjerimin e hapësirës që do të shërbente për kryerjen e lutjeve, sidomos të motrave myslimane.
Kryetari i këshillit të kësaj xhamie Fejzi Sabedini i ka thënë Titullit se përveç zgjerimit, ky objekt i xhamisë do të pajiset edhe me bibliotekë, hapësirë për mësim, zyre për personelin e xhamisë dhe gjithçka që i nevojitet një xhamie moderne.
“Punët kanë filluar, ndërsa disa kompani vullnetarisht na kanë ofruar shërbimet e tyre, gjë që e vlerësojmë shumë, mirëpo kemi nevojë për mjete financiare”, tha Sabedini, duke shtuar se çdo kush mund të kontribuojë në këto punime në bazë të mundësive që ka.
Zgjerimi i këtij objekti fetar ka qenë i nevojshëm për shkak të hapësirës së pamjaftueshme sidomos gjatë faljes së namazit të xhumasë, muajit të Ramazanit dhe festave fetare.
Për të sensibilizuar opinioni mbi nevojën për ndihmë që ka kjo xhami, Titulli ka realizuar një klip në të cilin është vendosur edhe informacioni udhëzues për bashkatdhetarët që kanë dëshirën e mirë për të ndihmuar këtë shtëpi të Zotit. /Titulli.com/
http://youtu.be/4dey7rljSVg
copy(/home/titulli/public_html/images/image/t/uploads/2012/06/xhamia-Ternoc3.jpg): failed to open stream: No such file or directory
Mund ti tregoni shoqërisë për këtë artikull!
