Gratë të diskriminuara në Bujanoc dhe Preshevë, 8 marsi festohet me ahengje
Lokale

Gratë të diskriminuara në Bujanoc dhe Preshevë, 8 marsi festohet me ahengje

08.Mar.2017 14:44
0
Dita Ndërkombëtare e Gruas- 8 Marsi është një festë që tek ne shënohet përmes aktiviteteve të ndryshme të ahengut dhe njihet si ditë e nënës.

Në vendet e zhvilluara gjatë kësaj dite gratë protestojnë në mënyra të ndryshme për të kërkuar barazi gjinore në vende të punës, përfaqësim në jetën publike dhe pronësisë, shkruan Titulli.com.

Studimet mbi statusin e gruas në tregun e punës në Serbi të kryera në kohën e fundit tregojnë qartë diskriminim në bazë gjinore në tregun e punës.

“Gratë në Bujanoc dhe Preshevë janë shumë të përfaqësuara në mesin e të punësuarve në raport me mesataren kombëtare me 9% në Bujanoc dhe gati 20% në Preshevë”, thuhet në analizën e bërë nga shoqata e grave afariste në Bujanoc.

Sipas kësaj analize në kontekstin socio-ekonomik tregohet fakti se numri më i madh i të punësuarave në këto dy komuna është sektori publik edhe atë në arsim, shëndetësi, mbrojtje sociale, administratë publike prej tyre në Bujanoc 42% kurse në Preshevë 56%.

Origjina e festës së 8 marsit daton në vitin 1908, dhe është e lidhur me një ngjarje tragjike.

Një grup punëtoresh në një fabrikë tekstili në Nju Jork bënë grevë kundër kushteve ekstreme të punës. Më 8 mars, fabrika u mbyll dhe punëtorët mbetën të bllokuar brenda dhe papritmas shpërtheu një zjarr, ku vdiqën 129 punëtore.

Në Bujanoc dhe Preshevë për 8 Mars organizohen ahengje të ndryshme nëpër restorante me emra të mëdhenj të estradës shqiptare nga Kosova, Maqedonia dhe Shqipëria./Titulli.com/

Kjo ishte vizita historike e presidentit të Shqipërisë, në Luginë (VIDEO)
Reagim: Edhe ky shtatë Mars pa Medresenë e Preshevës !
Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration