Lokale
Edhe Lugina kërkon autonomi
[caption id="attachment_46997" align="alignleft" width="375"]
Foto: Arkiv[/caption]
Kërkesa e liderëve serbë në veri, por edhe e lidershipit në Beograd se veriut të Kosovës duhet t’i jepet një autonomi e nivelit të Republikës Serbe në Bosnje, ka ngjallur reagime të menjëhershme në Luginën e Preshevës.
Përfaqësuesit e shqiptarëve të Kosovës Lindore thonë se nëse rajoni i tyre anashkalohet nga procesi negociator, atëherë sipas tyre, nuk do të ketë qetësi në rajonin e Ballkanit. Ata thonë se Lugina vazhdon të mbetet një bombë e kurdisur.
Prandaj që të zgjidhen çështjet ndërmjet shqiptarëve dhe serbëve, ata ritheksojnë kërkesën e tyre, që status i tyre të zgjidhet në mënyrë korrelative me veriun e Kosovës, duke kërkuar autonomi ose ndarje.
Ata u kanë bërë me dije të dyja qeverive si në Beograd ashtu edhe në Prishtinë se gjendja në Luginë sa vjen e rëndohet. Kjo për faktin se Lugina, siç janë shprehur ata, për të dyja qeveritë ka mbetur si zorrë qorre.
Jonuz Musliu, ish-përfaqësues politik i ish-guerilëve shqiptarë (UÇPMB), ka thënë se shqiptarët në Luginë po mendojnë se i kanë përfunduar punët sa i përket zgjidhjes së çështjes së tyre, prandaj edhe po presin se çështja do të zgjidhet vetvetiu.
Ai ka thënë se shqiptarët e Luginës nuk kanë platformë për kërkesat e tyre për luginën, porse siç tha ai do të jenë këmbëngulës në kërkesat për reciprocitet.
“Ato të drejta që i marrin serbët e veriut e njëjta duhet të vlejë për shqiptarët e Luginës së Preshevës. Presioni ynë më i madh duhet të jetë te Qeveria e Kosovës sepse ajo po tregohet e shurdhër karshi problemit tonë”, ka thënë Musliu, sipas të cilit, defekti kryesor është mosinteresimi i Qeverisë së Kosovës për Luginën e Preshevës, shkruan zëri.
“Ne kemi kërkuar disa herë të takohemi me përfaqësuesit e Qeverisë së Kosovës që ta shohim realitetin se çka po bisedohet me Beogradin sepse ne as që po e dimë se çka po zihet në këto bisedime”, ka thënë Musliu, duke shtuar se Qeveria e Kosovës po i bishtnon takimeve. Sipas tij, duke mos u interesuar për Luginën problemi sa vjen e rritet dhe mund të eksplodojë.
“Tensionet në Luginë sa vijnë e shtohen dhe në rast të eksplodimit atëherë Qeveria e Kosovës ndoshta do të involvohet por kjo do të jetë vonë”, ka thënë Musliu.
Ndërkaq, kryetari i Këshillit Kombëtar të Shqiptarëve të Luginës së Preshevës, Galip Beqiri, ka thënë se deri më tash shqiptarët e këtij rajoni janë përcaktuar për reciprocitet.
“Ne jemi për atë që çdo gjë që fitojnë serbët e veriut në Kosovë të njëjtën ta marrin edhe shqiptarët në Luginë”, ka thënë Beqiri.
Ai ka tërhequr vërejtjen se gjërat në Luginë sa vijnë e përkeqësohen dhe po marrin kahe krejtësisht tjetër. “Nëse serbët në Kosovë fitojnë autonomi apo njëlloj etniteti sikurse Republika Srpska në Bosnje, kjo për ne do të jetë e papranueshme dhe kërkojmë nga faktori shqiptar dhe Qeveria e Kosovës që gjithnjë e më tepër të kujdeset për Luginën”, tha Beqiri.
Për tri komunat shqiptare të Kosovës Lindore, sipas tij, nuk po interesuar as shteti i Serbisë e as ai i Kosovës. Ai ka thënë se është koha e fundit kur shqiptarët të kërkojnë të drejtat e tyre. “ne kemi mbetur zorrë qorre”, tha në fund ai./Titulli.com/copy(/home/titulli/public_html/images/image/t/uploads/2012/12/protesta1.jpg): failed to open stream: No such file or directory
Mund ti tregoni shoqërisë për këtë artikull!
