Brnabiq: Presim vaksinat AstraZeneca deri në fund të muajit

Kryeministrja e Serbisë, Ana Brnabiq tha se pret që vendi të marrë vaksinën e AstraZeneca kundër COVID-19 deri në fund të muajit shkurt, por se pritet konfirmim zyrtar nga prodhuesi.

Brnabiç theksoi se ajo pret midis 120 mijë dhe 150 mijë doza të vaksinës dhe se rivaksinimi me këtë vaksinë shkon madje pas 12 javësh.

"Jemi duke pritur konfirmim zyrtar nga AstraZeneca", tha ajo për televizionin Pink, transmeton Titulli.com.

Gjysmë milioni doza të tjera të vaksinës kineze Sinopharm arritën në Serbi të mërkurën në mbrëmje ndërsa ky vend po ashtu ka vaksinat ruse Sputnik V si dhe vaksinën Pfizer.