Emrat më të përdorur ndër shqiptarë gjatë vitit 2019, ndikimi i huaj po venit traditën

Duket se vitet e fundit ndikimi i internetit, filmave, serialeve dhe librave të huaj, tek shqiptarët ka ngjizur idenë për vendosjen e emrave tek fëmijët kësaj gjenerate.

“Shekulli” iu sjell listën e emrave në modë të vitit 2019, si për femra, ashtu edhe për meshkuj. Kryesojnë emrat Amelia, Ajla dhe Aria për gjininë e brishtë, ndërsa për djemtë i preferuar është emri Noel, i pasuar nga Aron dhe Joel.

Ndërkohë, vlen për t’u theksuar se nga viti në vit, te çiftet që sjellin në jetë fëmijë është zbehur tradita e “ngjalljes” së emrave të gjyshërve apo stërgjyshërve, ndërsa në harresë po lihen edhe të ashtuquajturit emra ilirë.

Në vitet e socializmit, regjimi i asaj kohe caktoi një listë emrash ndaluar për cilëndo foshnjë që vinte në jetë, ndërsa pati një orientim të pashkruar për familjet shqiptare të qëndronin tek identiteti ilir. Ndërkohë, pati edhe nga ata çifte, të cilët të ndikuar nga sistemi vendosën emra që lidheshin direkt me të, apo edhe emra me origjinë sllave e ruse të “eksportuar” nga miqësia me Bashkimin Sovjetik. Megjithatë, kjo është lista e 5 emrave më të përdorur të 100 viteve të fundit.