Arifi vazhdon punën edhe gjatë vikendit
Kryetari i komunës së Bujanocit Nagip Arifi, si duket e ka marrë me seriozitet detyrën e kryetarit, këtë e dëshmon fakti, pasi që sot është ditë pushimi, ndërsa për Arifin sot është ditë pune. Në fshatin Tërnoc sot ka filluar sanimi i rrugëve brenda fshatit, në të cilat rrugë ishin hapur shumë gropa të cilat ishin bërë pengesë e përditshme e qytetarëve, disa prej të cilave në masë të madhe pengonin zhvillimin normal të komunikacionit. Edhe pse ditë e shtunë, kryetari i komunës së Buajnocit Nagip Arifi kishte kërkuar nga kompania “Saba Bellça” që sa më parë ti meremetonte gropat e hapura dhe rruga ti ngjante normales. Banorët e fshatit Tërnoc, tashmë ndjehen të lumtur e veçmas ata të cilët para dyerve të tyre kishin pasur gropa të përmasave që nuk mund ti tejkalonte as automjeti. Ata thonë se, edhe pse nuk është dashur shumë punë, por është dashur që dikush ti koordinojë këto punë./Titulli.com/
