Shqiptari që bëri Policinë e Serbisë të krenohet para botës rrëfehet për media (video)
Polici Rexhep Arifi, që u fotografua nga mediet e huaja derisa po luante me një vogëlush refugjat, ka rrëfyer për KTV-në sa i ka ndryshuar jeta pas publikimit të imazhit.Në Preshevë kanë thënë se akti tregon për mikpritjen shqiptare.
Arifi, i cili tashmë edhe është shpërblyer nga Qeveria e Serbisë për humanitetin e treguar, ka treguar më shumë për momentet kur është bërë fotografia.
Ai tregon se si ka marrë urime nga shumë njerëz për këtë punë të bërë.
Valon Arifi, aktivist për të drejtat e njeriut në Preshevë, njëherësh familjar i policit Arifi, ka deklaruar se ai nuk e ka nderuar vetëm familjen, por të gjithë kombin shqiptar.
Sipas tij, me humanizmin e treguar, i bëhet e qartë botës për mikpritjen shqiptare.
Ministri serb i Policisë së Serbisë, Nebojsha Stefanoviq, e ka shpërblyer policin Arifi “për veprimin humanitar”.
Ndërkaq, gjatë patrullimit të rregullt në fshatin Miratoc, në vendcaktimin e parë të refugjatëve pas arritjes nga Maqedonia, Rexhep Arifi është fotografuar derisa e kishte marrë në duar djalin me emrin Amir nga Siria dhe kishte luajtur me të.
Përndryshe, në Miratoc arrijnë nga 2 mijë deri 3 mijë refugjatë në ditë.
