Zëvendës kryetari, Armend Aliu priti sekretarin politik amerikan Adam Schick

Zëvendës kryetari i Komunës së Preshevës Armend Aliu ka pritur në takim përfaqësuesin e Ambasadës së Shteteve të Bashkuara të Amerikës në Beograd, Adam Schick, sekretar politik pran kësaj ambasade.

“Temë e diskutimit ishin ngjarjet e fundit politike, si dhe çështjet ekonomike dhe sociale me të cilat përballen qytetarët e Komunës së Preshevës”, thuhet në njoftimin e komunën së Preshevës.

Sipas këtij njoftimi në këtë takim, theks të veçantë iu dha temës rreth hapjes së vendkalimit kufitar Miratoc - Llojan, kthimi i gjykatës në Preshevë dhe temës së teksteve shkollore shqip.

Armend Aliu falënderoi dhe vlerësoi lartë bashkëpunimin me Ambasadën e SHBA-së, për mbështetjen e tyre në realizimin e projekteve të shumta si dhe për interesimin e vazhdueshëm rreth problemeve.