Lokale
Të hënën bëhet inaugurimi i rrugës (foto)
Rruga e re me vlerë rreth 120 milionë dinarë që lidhë fshatin Breznicë nëpërmjet Tërnocit me qendrën e qytetit të Buajnocit, të hënën në mënyrë solemne do të lëshohet në përdorim.
Sipas drejtorit të Drejtoratit për Ndërtim Agim Halitit rruga do të përurohet të hënën në orën 13h, ndërsa në inaugurim janë të ftuar të marrin pjesë të gjithë qytetarët.
[caption id="attachment_24928" align="aligncenter" width="640"]
Rruga e Breznicës gjatë fillimit të punimeve më 27 korrik, te shkritorja (madeni)[/caption]
Rruga e Breznicës filloi ndërtimin në korrik të vitit 2012 me një gjatësi prej rreth 6 kilometrave, nga shkritorja (madeni) e deri në hyrje të fshatit Breznicë, që kushtoi rreth 105 milionë dinarë.
Pjesa tjetër po nga madeni (shkritorja) në drejtim të fshatit Tërnoc, me një gjatësi prej 1.5 kilometra, e filluar më 11 nëntor, u përfundua së fundmi ndërsa kushtoi mbi 10 milionë dinarë.
[caption id="attachment_25740" align="aligncenter" width="640"]
Kryetari Nagip Arifi dhe drejtori Agim Haliti gjatë inspektimit të punimeve në rrugën e Breznicës[/caption]
Për qeverisjen e tanishme të Bujanocit, nën drejtimin e kryetarit Nagip Arifi, ky është projekti më kapital që është realizuar në këtë komunë që nga ardhja në pushtet./Titulli.com/
Mund ti tregoni shoqërisë për këtë artikull!
