Studentë nga Bujanoci do të fillojnë praktikën profesionale në Ministrinë e Drejtësisë së Kosovës

Ministri i Drejtësisë në Kosovë, Selim Selimi përmes një shkrimi në facebook ka njoftuar se disa student nga komuna e Bujanocit Nga muaji nëntor do të fillojnë praktikën profesionale në këtë ministri.

Ky është postimi i tij i plotë në facebook: 

Që nga fillimi i muajit nëntor krejt këta studentë të Fakultetit Juridik të Universitetit të Prishtinës, që vijnë nga Komuna e Bujanocit do të fillojnë praktikën profesionale në Ministrinë e Drejtësisë.

Kjo është vetëm njëra nga përmbushjet e zotimeve tona për mbështetjen e bashkëkombësve tanë që jetojnë në Serbi. E drejta për identitet kombëtar, arsim, zhvillim e punësim janë të drejta të patjetërsueshme të cilat Serbia nuk do të mund t’ua mohojë.