Reagim ndaj vendimit të Komisionit Republikan Zgjedhor për rivotim në Tërnoc
Përrmes një kumtese për opinion shtabi zgjedhor nga lista "Koalicioni i Shqiptarëve të Luginës" ka njoftuar për vendimin e Komisionit Republikan Zgjedhor lidhir me ankesën e tyre për rivotim në zgjedhjet parlamentare.
Njoftimi nga Shtabi Zgjedhor:
Vendimi i Komisionit Republikan Zgjedhor i politizuar dhe skandaloz
Komisioni Republikan Zgjedhor sonte përfundimisht e ka dëshmuar që është organ krejtësisht politik duke e hedhur poshtë Kërkesën e Koalicionit të Shqiptarëve të Luginës për të rivotuar në Tërnoc.
Edhe pse argumentet e Koalicionit ishin të mjaftueshme dhe të dokumentara, KRZ me vendim politik vendosi në kundërshtim me ligjin dhe rrespektimin e procedurave.
Pas zgjedhjeve të 28 Prillit, kur Koalicioni kishte siguruar një mandat deputeti, KRZ me argumente të njejta të SPS kishte anuluar zgjedhjet dhe e kishte dërguar vendvotimin nr 6 në rivotim. Sot, me të njejtat argumente, ata marrin vendim ndryshe.
Sot vendosën në bazë të nevojave të tyre politike duke treguar edhe një herë që Ligji i vetëm që ata respektojnë është Parlamenti pa shqiptarë.
Beteja e Koalicionit do të vazhdojë edhe në Gjykatën Administrative nga e cila nuk pritet që të mungojnë ndikimet politike të partisë shtet.
Shtabi zgjedhor
