Promovohet në Gjilan “Kulla e Bashkimit” e cila kujton luftën e UÇPMB-së

Në fshatin Kosaq të Gjilanit është promovuar “Kulla e Bashkimit”  e UÇPMB-së në të cilën morën pjesë ish luftëtarë, veteran dhe përfaqësues politik e institucional.

Për të nderuar luftëtarët e lirisë nga Lugina e Preshevës, në inaugurimin e kullës së Bashkimit erdhi edhe kryeministri Ramush Haradinaj.

Garda e nderit e Republikës së Kosovës e ngriti flamurin kombëtarë, të cilin e nderuan të pranishmit. Ahmet Isufi ,  alias komandant Rexha tha se kjo tregon për një vazhdimësi të luftës së lavdishme kur gjithë populli shqiptar u ngrit në këmbë për ta fituar lirinë  e vet.

Duke uruar për kullën e bashkimit kryeministri Haradinaj, tha se rruga e tyre për liri  dhe se Shefket Musliu  ishte një luftëtarë i zoti i Dukagjinit dhe i atdheut, bashkë me bashkëluftëtarë të shumtë nuk e ndalën asnjëherë rrugën e tyre për liri dhe të drejtat e tyre.

Kryeministri i Kosovës Kryeministri Haradinaj e nderoi Shefket Musliun me dekoratën Gjergj Kastrioti Skënderbeu, me motivacionin për kontributin e tij për liri.

Komandant i ish- UÇPMB-së, Shefket Musliu falënderoi të gjithë pjesëmarrësit në këtë hapje solemne dhe familjet e dëshmorëve.

Në ceremoninë e inaugurimit të Kullës së Bashkimit, nuk munguan as fjalimet e përfaqësuesve të Organizatave të Veteranëve të Luftës, përfaqësuesve të komunave të Luginës së Preshevës si dhe veprimtarëve të shumtë të pranishëm në këtë eveniment./Baki Rexhepi/