Kërkesat e 3 deputetëve shqiptarë ndaj Vuçiqit u nënshkruan vetëm nga dy persona (dokumenti)

Deputetët shqiptarë në parlamentin e Serbisë të dalë nga zgjedhjet parlamentare të 21 qershorit kanë zhvilluar takim konsultativ gjatë ditës së martë me presidentin e Serbisë lidhur me mendimin e tyre për kandidatin për kryeministër, shkruan Titulli.com.

Përfaqësuesit e zgjedhur shqiptarë përmes një letre të publikuar thuhet se  kanë parashtruar disa kërkesa ndaj Vuçiq për të qenë pjesë e qeverisë së ardhshme.

Disa nga kërkesat për tu bërë pjesë e Qeverisë kanë kërkuar ministrin e Ministrisë së Pushtetit Lokal, ndihmës ministrin e Ekonomisë, sekretarin shtetëror në ministrinë e arsimit dhe kryetarin e Trupit Koordinues, raporton Titulli.com.

 Në letrën e nënshkruar nga dy persona apo deputet në emër të listës “Alternativa Demokratike Shqiptare-Lugina e Bashkuar” është paraqitur nevoja e qëndrimit të qeverisë lidhur me planin shtatë-pikësh të Luginës të dorëzuar qeverisë së Serbisë në vitin 2013.

Kërkesa shqiptare ndaj presidentit të Serbisë përfshinë integrimin e shqiptarëve në institucionet shtetërore, zgjidhjen e problemeve në arsim, zhvillimin e ekonomik, problemet e institucioneve të  gjyqësorit dhe integrim të plotë në Trupi Koordinues.

Edhe pse shqiptarët e Luginës së Preshevës kanë qenë të përfaqësues me deputetë në parlamentin e Serbisë në këto 25 vitet e fundit asnjëherë nuk është shfaqur interesim që të jenë pjesë përbërëse e ndonjë qeverie serbe./Titulli.com/