Skuadra franceze Metz interesohet për Fejzullahun

Mbrojtësi nga Tërnoci i Bujanocit i cili aktivizohet me skuadrën e Partizanit të Tiranës, Arbnor Fejzullahi, pas shkëlqimit me këtë skuadër, mund të provojë një aventurë të re në kampionatin francez, te skuadra e Metzit.

Drejtuesit e kësaj skuadre kanë e parë në disa ndeshje nga afër futbollistin në fjalë i cili u ka lënë përshtypje shumë të mira. 21-vjeçari në një prononcim për Arenën e konfirmoi lajmin.

“Mund të them se aktualisht jam i koncentruar vetëm në ndeshjet me Partizanin e Tiranës. Kur të mbarojë faza e parë do të shohim se çka do të ndodh. Drejtori sportiv i Metzit ka qenë dhe më ka parë nga afër. Kaq mund të them aktualisht”, ka deklaruar Arbnor Fejzullahi të enjten. 

Pjesë e Kombëtares

Arbnor Fejzullahi është zhvilluar si futbollist në skuadrën e Tërnocit ndërkohë që emër në Shqipëri bëri te Besa e Kavajas ku u aktivizua për plot tri edicione. Në këtë verë iu bashkua Partizanit të Tiranës. Fejzullahi ka qenë pjesë edhe e Kombëtares së Shqipërisë U-21 me të cilën luajti me shumë sukses. /Titulli.com/