Rexhepi pritet në Qeverinë e Kosovës
Kryetari i Këshillit Kombëtar Shqiptar, Enkel Rexhepi me bashkëpunëtorë pritur në Qeverinë e Republikës së Kosovës nga Zëvendës Kryeministri, Besnik Bislimi.
Gjatë takimit u diskutua për sfidat me të cilat përballen shqiptarët e Luginës së Preshevës dhe domosdoshmërinë e avancimit urgjent të të drejtave tona, thuhet në njoftimin e publikuar nga KKSH.
Sipas këtiij njoftimi nga ky takim morëm mbështetjen e plotë dhe pa rezerva për thellimin e bashkëpunimit ndërmjet Qeverisë së Kosovës dhe Këshillit Kombëtar Shqiptar.
Gjithashtu u dakordua për angazhim të përbashkët në zbatimin e linjës buxhetore të ndarë nga Qeveria e Republikës së Kosovës për Luginën e Preshevës, përmes programeve që synojnë ruajtjen, kultivimin dhe avancimin e identitetit kombëtar shqiptar në këto troje.
KKSh ka vlerësuar se bashkëpunimi institucional mbetet çelësi për forcimin e pozitës sonë dhe garantimin e një të ardhmeje më të mirë për shqiptarët e Luginës.
