Lokale
PVD në fazën e fundit të mbledhjes së nënshkrimeve
Përkundër përpjekjeve të Prishtinës dhe Tiranës zyrtare që shqiptarët në Luginën e Preshevës të unifikojnë një listë të vetme zgjedhore për pjesëmarrje në zgjedhjet parlamentare të Serbisë, megjithatë një bashkim i tillë nuk u arrit.
Pesë subjekte politike tashmë janë deklaruar për bojkot të zgjedhjeve ndërkohë që Partia për Veprim Demokratik (PVD) është në fazën e fundit të grumbullimit të dhjetë mijë nënshkrimeve të nevojshme për përkrahjen e listës së saj në këto zgjedhje.
Për mos arritjen e unitetit mes partive politike në Luginë, Belgzim Kamberi kryetar i KDNJ-së së Luginës, fajëson interesat e ngushta personale dhe grupore të disa përfaqësuesve politik.
Nga ana tjetër Kryetari i PVD-së, Riza Halimi, duke shpreh keqardhje për mos unitet ka akuzuar subjektet tjera që përmes bojkotit po tentojnë të fitojnë siç është shprehur poena të ulët politik, raporton RTK.
Halimi, konsideron se në kohën integrimeve evropiane është më se i nevojshëm përfaqësimi i shqiptarëve në organin legjislativ të Serbisë.
Shqiptarët e Luginë së Preshevës që nga viti 1992 janë përfaqësuar në Parlamentin serb, disa herë me një dhe gjatë një mandati edhe me dy deputet. Po të ishte i mundshëm unifikimi i spektrit politik shqiptarë gjasat reale do të ishin që shqiptarët të përfaqësoheshin me tri ulëse në parlamentin 250 anëtarësh të Serbisë./Titulli.com/
Mund ti tregoni shoqërisë për këtë artikull!
