PDSH: Transferimi i 3 këshilltarëve në Alternativën për Ndryshim i mundshëm (video)

Ragmi Mustafa, kryetar i PDSH-së ka thënë për rtv “Aldi” se këto janë deklarata për marketing politik të Alternativës por se gjithçka mundë të jetë e mundur me këta këshilltarë që nuk i binden partisë.

“Këshilltarët kanë keqpërdorur votën e elektoratit të partisë dhe se do të kenë mandat deri në zgjdhjet e parakohëshme apo të rregullta”, deklaroi Mustafa, transmeton Titulli.com.

Ndërsa Sami Salihu nga grupi i ndarë i PDSH-së gjatë bisedës me rtv "Aldi" është shprehur se këto deklarata janë joserioze dhe të pamatura nga kryetari i APN-së dhe kryesia e partisë.

“Këto deklarata janë zhvendosja e përqëndrimit nga deklaratat e APN-së për premtimet që i kanë dhënë”, theksoi Salihu.

Partia Demokratike Shqiptare numëron 14 këshilltarë në kuvendin komunal në Preshevë dhe pas zgjedhjeve mbrenda partisë ka probleme serioze që një grup nuk e njeh Ragmi Mustafën si kryetar të PDSH-së.

Pavarësisht zhvillimeve politike dhe transferimeve të këshilltarëve në Preshevë, vërehet një jostabilitet mes partnerëve të koalicionit qeverisës të Alternativës për Ndryshim dhe Partisë për Veprim Demokratik./Titulli.com/