Lokale
Në Preshevë lidhje kurorash më 12.12.’12
Data 12 dhjetor e vitit 2012 në komunën e Preshevës është shënuar me lidhje kurorash për tre çifte të reja në shërbimin e ofiqarisë pranë administratës komunale në Preshevë.
Çiftet të cilët patën mundësinë të lidhin kurorat, kanë përzgjedhur pikërisht këtë ditë që evidentohet si një datë mjaft interesante, data 12 muaji 12 dhe viti 2012, raporton TV Presheva.
Me këtë rast ofiqari në shërbimin e Ofiqarisë, Shukri Zylfiu para të rinjve që prisnin të lidhnin kurorë lexoi rregullat ligjore.
Disa nga të kurorëzuarit kishin pritur edhe me vite për të shënuar këtë lidhje pikërisht në këtë datë mjaft interesante.
Në shumë vende të ndryshme të botës dita e djeshme është përzgjedhur për lidhjen e kurorave./Titulli.com/
Mund ti tregoni shoqërisë për këtë artikull!
