Demantohet lajmi se nga 400 autobusë me kosovarë po largohen nga vendi

Mediat gjatë ditës së sotme kanë raportuar se rreth 400 autobusë me kosovarë po nisen çdo ditë nga Stacioni i Autobusëve në Prishtinë për në vendet e BE-së pas liberalizimit të vizave. 

Këtë fluks të madh e kanë demantuar zyrtarë të Stacionit të Autobusëve në Prishtinë, transmeton Zeriinfo.

Sipas një postimi në faqen zyrtare të Stacionit në Facebook, ka thënë se ky numër i nisjeve ditore përfshin nisjet ndërurbanë dhe ato ndërkombëtare.

“Stacioni i Autobusëve demanton lajmin e publikuar që 380-400 nisje ndërkombëtare ditore janë realizuar nga SAP-i, ky numër i nisjeve ditore përfshin nisjet ndërurbanë dhe ato ndërkombëtare.

Faleminderit në mirëkuptim”, thuhet në përgjigjen demantuese të Stacionit të Autobusëve.