Haxhiu për Luginën: S’e ngritëm zërin fuqishëm për të treguar se atje shkelen të drejtat elementare

Deputetja Teuta Haxhiu nga radhët e AAK-së ka deklaruar se problemet e shqiptarëve në Luginën e Preshevës po vazhdojnë të jenë të njëjta.

Ndër to ajo ka theksuar çështjen e librave për nxënësit si dhe përdorimin e simboleve.

“Kemi pa probleme të njëjta. Duhet të jemi real dhe të mos filozofojmë”.

“Numri i nxënësve është duke rënë skajshmërisht. Ajo që na ka shqetësuar gjate vizitës në shkollën “Zenel Hajdini” është largimi i nxënësve. Brenda dy vjetësh ajo shkolle rrezikon të mbyllet”.

“Problemi me libra me tekste i njëjte ndër vite. Asnjëherë nuk arritëm ta ngrisnim zërin fuqishëm për të treguar se atje shkelet e drejta elementare e arsimit, e drejta elementare e përdorimit të simboleve kombëtare”.

Haxhiu gjithashtu kritikoi një numër të ministrave që nuk ishin prezent në seancë, ku po diskutohet lidhur me Luginën e Preshevës.