Bujanoc: Pritet një delegacion i gazetarëve nga Shqipëria, informimi shqip po shuhet në heshtje?
Në Këshillin Kombëtar Shqiptar u pritën një delegacion të gazetarëve nga Shqipëria, të udhëhequr nga miku i Luginës, Aleksandër Çipa.
"Një vlerësim i veçantë për praninë e Shkëlqesisë së Tij, Ambasadorit të Republikës së Shqipërisë në Beograd, z. Bardhyl Canaj, i cili me pjesëmarrjen e tij dëshmoi mbështetjen dhe vëmendjen e institucioneve shqiptare ndaj Luginës së Preshevës", thuhet në njoftimin e publikuar nga Enkel Rexhepi.
Sipas tij bashkëbisedimi u përqendrua në sfidat dhe perspektivat e informimit për çështjet e shqiptarëve të Luginës, si dhe në forcimin e bashkëpunimit mes mediave shqiptare në rajon.
Vlen të theksohet se media në gjuhën shqipe në këtë rajon është duke u shuar në heshtje, institucionet përkatëse lokale komunale po dëmtojnë në vazhdimësi funksionimin e informimit shqip ndërsa edhe Këshilli Kombëtar Shqiptar ka nidhmuar këtë proces duke mos krijuar politika afatgjate për median shqipe./Titulli.com/
