Breznica me turnir futbolli në përvjetorin e dëshmorëve
Bashkësia Lokale e fshatit Breznicë edhe këtë vit do të organizojë turnirin në futboll të vogël në shënimin e rënies së dëshmorëve të këtij vendbanimi shqiptar të Malësisë së Bujanocit.Ky turnir tradicional do të organizohet nga Kryesia e Bashkësisë Lokale me rastin e përvjetorit të 15-të të rënies heroike të dëshmorëve të Breznicës, Enver R. Bajrami dhe Sherif F. Jonuzi, pjesëtarë të UÇPMB-së.
Siç transmeton Titulli.com njoftimin e organizatorëve, ekipet e interesuara për të marrë pjesë në këtë turnir duhet të paraqiten nga dita e mërkurë, 1 prill, e deri të shtunën më 18 prill.
“Sistemi i turnirit do të jetë 5+1 (plus 4 rezervist), ndërsa do të fillojë më 21 prill. Paraqitja e ekipit do të kushtojë 30 euro apo 3500 dinarë”, thuhet në njoftimin e Kryesisë së Bashkësisë Lokale të Breznicës, nënshkruar nga sekretari Tahir Bilalli.
Të interesuarit për të marrë pjesë në turnir mund të paraqiten tek organizatorët përmes numrave të telefonit: +381/ 62 855 13 45 ose, +377/ 45 386 038. /Titulli.com/
