Bashkimi Demokratik i Luginës shkrihet brenda PVD-së

Bashkimi Demokratik i Luginës, i udhëhequr nga Skender Destani ka shkrirë aktivitetin politik brenda PVD-së.

Sipas njoftimit për media BDL pranoi pa kusht shkrirjen në PVD duke pranuar gjithashtu edhe programin dhe statutin e PVD - së.                                     

“Duke pasur parasysh proceset në të cilat po kalon rajoni, e sidomos duke pasur parasysh bisedimet Kosovë - Serbi, Partia për Veprim Demokratik dhe Bashkimi Demokratik i Luginës nënshkruan Marrëveshjen me të cilën synojnë fillimin e defragmentarizimit të spektrit politik në Preshevë si dhe në Luginë në përgjithësi”, thuhet në njoftimin e Partisë për Veprim Demokratik. 

Marrëveshja u nënshkrua nga kryetari i PVD, Shaip Kamberi dhe ai i BDL, Skender Destani, me të cilën marrëveshje strukturat e BDL do të inkuadrohen në strukturat udhëheqëse të PVD-së si dhe në kuvendin komunal të Preshevës./Titulli.com/