Aprovohet rregullore e re për kryeshefat në administratën komunale të Bujanocit, 1 nuk i plotëson kushtet

Këshilli komunal i komunës së Bujanoc në mbledhjen e sot të katërt ka propozimin mbi ndryshimin dhe plotësimin e Rregullores mbi organizimin e brendshëm dhe sistematizimin e Administratës komunale. 

Sipas kryetari të komunës, Nagip Arifi janë bërë disa ndryshime me sugjerimet e inspektorit republikan të administratës shtetërore të cilat përcaktojnë rregullat se kush mundë të jetë kryeshef në administratë. 

“Askush nuk mundë të jetë udhëheqës në administratë që nuk ka të mbaruar fakultetin me 240 kredi më së paku”,  u shpreh Arifi, shkruan Titulli.com.

Ai theksoi se në administratën komunale të komunës së Bujanocit të gjitha kryeshefat i plotësojnë kushtet përveç njërit I cili do të shkarkohet nga detyra dhe në afat prej 8 ditëve kryeshefi do të veprojë konform rregullores së re të aprovuar. 

Në këtë seancë të Këshillit Komunal ka ndarë mjete dhe për 4 punëtorë të shtëpisë së shëndetit ndërsa komuna nuk ka ndonjë obligim sepse ky institucion ka kaluar në kuadër të ministrisë së shëndetësisë së Serbisë./Titulli.com/