Aksident mes makinës nga Bujanoci dhe Rumania (foto)
Mëngjesin e së martës në magjistralen Nish "“ Shkup, në fshatin Ranotovac të komunës së Vranjës, ka ndodhur një aksident komunikacioni.
 |
| Foto: RTV Vranje |
Aksidenti ndodhi rreth orës 7:40 minuta në fshatin Ranutovac, në rrugën lokale e cila po shfrytëzohet si rrugë qarkore për shkak të punimeve për ndërtimin e autostradës në “Korridorin 10”.
Në ndeshje janë përfshirë dy makina njëra me targa të Bujanocit dhe makina tjetër me regjistrim rumunë.
“Deri te aksidenti erdhi pasi makinat u ndeshën njëra me tjetrën, ajo me targa të Bujanocit dhe Rumanisë. Përplasja duket të ketë ngjarë kur vetura me targa të Bujanocit ka kaluar në anën e kundërt. Policia ka bërë regjistrimin e rastit, ndërsa komunikacioni në këtë pjesë ishte ndërprerë përreth një orë”, ka thënë për OK Radio, Dragan Stamenkoviq, zëdhënës i Departamentit të Policisë në Vranjë.
Në këtë aksident është lënduar një vajzë e cila është hospitalizuar në Qendrën Shëndetësore në Vranjë. Ajo ka marrë dëmtime të lehta, mirëpo është duke u mbajt në spital për të përcjellë gjendjen shëndetësore të saj.
Policia nuk ka dhënë detaje rreth përkatësisë kombëtare të të lënduarës në aksident si dhe moshën e saj./Titulli.com/
