Ahmet Bektashi nga Bujanoci vlerësohet “Imazhi Shqiptar” për vitin 2018 në Shqipëri

Ahmet Bektashi, kryetar i Fondit Humanitar për Preshevë Bujanoc e Medvegjë me seli në Zvicër është vlerësuar me trofeun e “Imazhi Shqiptar” për vitin 2018, organizuar nga Forumi Imazh dhe Media në Shqipëri.

Ahmeti ka falënderuar këshillin organizativ dhe Astrit Memia të cilët përgatitën këtë ngjarje kulturore, shkruan Titulli.com.

“Çmimi i dhënë nga Imazhi shqipëtar, jemi të nderuar me këtë çmim,për kontributin e dhënë për bamirësi”, është shprehur Bektashi.

Ky solemnitet është mbajtur në Akademinë e Shkencave në Tiranë, edicioni i 16-të me të cilin çdo fundvit nderohen dhjetë personalitete të botës intelektuale, artistike, shkencore, humanizmit dhe sportit të cilët me punën e tyre promovojnë dhe avancojnë identitetin kombëtar shqiptar.

Ahmet Bektashi nga Bujanoci udhëheq me Fondin Humanitar për Preshevë Bujanoc e Medvegjë të cilët me projekte të ndryshme humanitare financiare kontribuojnë në këtë rajon./Titulli.com/