A dëmshpërblehemi nga kafshimi i qenve endacak ?

Dëmshpërblimi nga qentë endacak është i mundur, sipas vendimeve të komunës të botuar në fletoren zyrtare përcaktohet procedura edhe mënyra e trajtimit të kërkesave të qytetarëve për dëmet e shkaktuara nga kafshimet nga kafshët e braktisura në territorin e komunës së Bujanocit shkruan Titulli.com.

 Personi i lënduar, në rast të kafshimit nga ana e qenve të braktisur dorëzon kërkesë për kompensim Avokatit publik të Komunës së Bujanocit. Në emër të personit të mitur kërkesën e dorëzon prindi ose kujdestari. Kërkesën e dorëzon në formën e përshkruar.

 I dëmtuari duhet që në kërkesën për kompenzimin e dëmit ti plotësojë të dhënat e sakta mbi kohën dhe vendin e ngjarjes ku është shkaktuar dëmi, si dhe emrat dhe adresën e dëshmitarëve eventual të asaj ngjarje. I dëmtuari është përgjegjës për vërtetësinë e të dhënave të cekura në kërkesë.

 Në kërkesën për kompensim personi i cili është kafshuar, lënduar nga qentë endacak duhet të ketë këto dokumente:

 Letër njoftimin e lexuar ( për personat e mitur dhe certifikatën e lindjes nga libri amzë). Dokumentacionin e kompletuar medicinal në formularet e përcaktuar, e cila ka të bëjë me mjekimin ( raportin e Institucionit kompetent shëndetësor për kujdesin parësor shëndetësor, raportin e mjekut specialisht dhe nje). Fotografinë e vendit të kafshimit. Kopja e kartelës bankare dhe dëshmi tjera të cilat janë me rëndësi për zgjidhjen e kërkesën.

 Sipas vendimit të marrë kohë më parë shkruan Titulli.com komisionin të cilin e përbëjnë përfaqësuesit e Komunës dhe Shtëpisë së Shëndetit, përcaktojnë mjekun specialist, i cili do të përkujdeset për përcaktimin e dëmit të shkaktuar dhe mjekimin e personave të lënduar. Kërkesën për kompenzimin e dëmit personi i dëmtuar ia dorëzon Avokatit publik të komunës së Bujanocit bashkë me dëshmitë tjera të përcaktuara në afat prej 30 ditëve nga dita kur ka ndodhur ngjarja me të cilën i është shkaktuar dëmi.

Komisioni pas shqyrtimin të kërkesave i dorëzon propozim Avokatit publik të komunës së Bujanocit që kërkesën: Ta pranoj dhe me personin e dëmtuar të nënshkruaj marëveshje jashtëgjygjësore mbi kompenzimin e demit, si dhe propozimin e sasisë së të hollave për pagesën e kompenzimit.

 Komisioni është i obliguar që të përkujdeset që propozimin për kompenzimin e dëmit të përcaktohet vlera reale e kompenzimit, si dhe në emër të dëmit të shkaktuar jomaterial dhe material, të ketë kujdes edhe për llojin e lëndimit, për dëmtimin e të mirave si dhe gjatësinë e pasojave nga ngjarja e dëmshe. Intenziteti dhe gjatësia e vuajtjes së dhimbjes dhe frikës fizike të personit të dëmtuar Komisioni do të vërtetoj duke u bazuar në dokumentacionin medicinal.