Lokale
25 ambasadorë të OSBE-së në Bujanoc, për të zgjidhur problemet e shqiptarëve
Të martën (10 shtator) në orën 15h në shtëpinë e kulturës në Bujanoc do të qëndrojë në një vizitë punë delegacioni në përbërje të 25 ambasadorëve të vendeve anëtare të OSBE-së me seli në Vjenë.
“Do të bisedojmë rreth çështjeve që janë të rëndësishme për funksionalizim të plotë të shtetit në këto hapësira, për zbatimin e Kushtetutës dhe ligjeve të Republikës së Serbisë dhe konventave ndërkombëtare. Sa na përket neve, ne kemi një kornizë për zgjidhjen e problemeve në këto komuna, të cilën e ka aprovuar Qeveria e Serbisë në seancën e 6 qershorit në formë të raportit të përbërë prej shtatë pikave. Këto do të jenë temat kryesore gjatë bisedimeve me ambasadorët e OSBE-së”, ka deklaruar Zoran Stankoviq, kryetar i rupit Koordinues për komunat Preshevë, Bujanoc dhe Medvegjë, shkruan kumtesa e Trupit Koordinues, transmeton Titulli.
Përveç 25 ambasadorëve të shteteve anëtare të Organizatës për Siguri dhe Bashkëpunim Evropian (OSBE), kryetarit të Trupit Koordinues i cili njëherit është nikoqir i takimit, në takim do të marrin pjesë edhe liderët shqiptar dhe serbe nga rajoni i Luginës.
Siç ka mësuar Titulli, paraprakisht delegacioni i ambasadorëve, në Beograd do të takohet edhe me zv.kryetarin e Qeverisë së Serbisë Aleksandar Vuciq./Titulli.com/
Mund ti tregoni shoqërisë për këtë artikull!
