Ushtria e Shqipërisë refuzon të vije në Bujanoc në ushtrime të përbashkëta me Ushtrinë e Serbisë

Në bazën ushtarake të ushtrisë serbe “Jug”, të komunës së Bujanocit, do të zhvillohet stërvitje ushtarake, ku do të marrin pjesë pjesëtarë të ushtrisë amerikane edhe ato ballkanike si nga Sllovenia, Kroacia, Bulgaria, Maqedonia dhe Rumania.

Për pjesëmarrjen e Shqipërisë ishte raportuar nga mediet shqiptare edhe ato serbe, por Forcat e Armatosura Shqiptare kanë refuzuar të marrin pjesë në këto stërvitje të përbashkëta me ushtrinë serbe, transmeton BW.

Kjo stërvitje zhvillohet në kuadër të Forcës Rotacionale të Detit të Zi, me qëllim rritjen e bashkëpunimit në fushën e sigurisë me vende partnere në Kaukaz, Ballkan dhe rajonin e Detit të Zi.

Fokusi i stërvitjes ka të bëjë me aplikimin e detyrave dhe armëve jo-vrasëse brenda operacioneve paqeruajtëse./Titulli.com/