Presheva shfuqizon planin për avancimin e refugjatëve në Preshevë
Këshilli komunal i komunës së Preshevës në mbledhjen e parë shfuqizoi planin aksional për avancimin e pozitës së refugjatëve në këtë këtë komunë.Kryetari i komunës së Preshevës, Shqiprim Arifi në konferencën për gazetare tha se ky ishte plani aksionar i shumëpërfolur nga opozita dhe keqinterpretuar, shkruan Titulli.com.
“Ne kemi marrë vendimin që të shfuqizojmë këtë vendim dhe ka disa arsye e jo për shkak se është manipuluar nga opozita por se Ambasada e SHBA-së në Beograd është duke u marrë me çështjen e refugjatëve.”, tha Arifi.
Ai u shpreh se pavarësisht këtij vendimi po vazhdon përkrahja e ndërkombëtarëve për projekte të ndryshme në komunën e Preshevës.
Plani aksional për avancimin e pozitës së refugjatëve në komunën e Preshevës për periudhën 2017-2021 ishte aprovuar në vitin 2016 gjatë qeverisjes së Alternativës për Ndryshim dhe Partisë për Veprim Demokratik./Titulli.com/
