Lokale
Musliu në Ferizaj, merr pjesë në zbulimin e bustit të dëshmorit Enver Topalli
Kryetari i Kuvendit Komunal të Bujanocit, Jonuz Musliu, ish shef politik i UÇPMB-së, me ftesë të autoriteteve komunale të Ferizait, merr pjesë në zbulimin e bustit të dëshmorit Enver Topalli, i cili u bë sot solemnisht në oborrin e Shkollës Fillore të fshatit Greme, emrin e të cilit me krenari e mban kjo shkollë.
Në këtë ceremoni ishin të pranishëm edhe kryeministri i Kosovës, Hashim Thaçi dhe ministri i Arsimit, Shkencës dhe Teknologjisë, Ramë Buja, të cilët vlerësuan lart figurën e dëshmorit Enver Topalli.
Kryeministri Thaçi me këtë rast tha se, Enveri si veprimtar i përcaktuar fuqishëm në rrugën e drejtë kombëtare, u burgos, u izolua, u torturua, por asnjëherë nuk u thye dhe nuk u ndal.
Enver Topalli u vra më 19 maj 1999, së bashku me qindra të burgosur të tjerë në Burgun e Dubravës.
Ai, konsiderohej njohës i jashtëzakonshëm i rrethanave politike dhe ekonomike të Kosovës, njofton Qendra për Informim e Lëvizjes së Progresit Demokratik./Titulli.com/
Mund ti tregoni shoqërisë për këtë artikull!
