Lokale
Lugina i bashkohet dhimbjes shqiptare
Në oborrin e objektit të komunës së Preshevës u bënë homazhe për studentet qe humbën jetën në Shqipëri.
Në hyrje të godinës u ndezën qirinjtë nga shumë qytetarë të Preshevës dhe Bujanocit, u vendosën trëndafila të bardhë për 14 studentët e vdekur dhe u bënë lutje për të plagosurit, raporton Titulli.
Në shenjë solidariteti “Në nderim të Viktimave të Tragjedisë së Himarës, Lugina është me Ju” ishte vendosur slogani nga aktivistët e Këshillit për të Drejtat e Njeriut.
Ishin mbledhur fëmijë, gra, të rinj dhe të moshuar për të ndezur qirinjë duke formuar me këta, datën, muajin dhe vitin për tragjedinë e ndodhur dje në Shqipëri ku humbën jetën 14 studentë dhe dhjetëra të plagosur nga qyteti i Elbasanit.
“Në këto momente mendja dhe zemrat tona janë tek familjet e viktimave, të cilave iu shprehim ngushëllimet tona më të sinqerta, si dhe shërim sa më të shpejtë të plagosurve, tha Enkel Rexhepi aktivistë i KDNJ-së në Preshevë.
Aksidenti i djeshëm rrugor në Qafën e Vishës, humbën jetën 14 studentë dhe shumë prej tyre u lënduan.
Një humbje kaq e madhe e jetëve të reja i ka prekur thellë gjithë popullin shqiptarë dhe me gjerë./Titulli.com/
Mund ti tregoni shoqërisë për këtë artikull!
